本地去處|上環Cupping Room Coffee Roasters

「呢間Cafe好似好好飲。」「呢間Cafe影相好靚。」


香港人對咖啡並唔陌生,各式各樣嘅咖啡店隨處可見。喜歡一間咖啡店嘅原因可以有千萬種,影唔影到靚相係吸引人去只係其中一樣原因。但今次喺slowe嘅分享係想回歸到最純粹嘅「味道」本身,以一個咖啡愛好者嘅身份分享香港「味道」上出類拔萃嘅咖啡店,所以呢個專欄唔會有太多吸睛靚相,抱歉。



返到今日熱奶啡主題 - 分享主要圍繞較常飲嘅cappuccino, latte, flat white, piccolo等。飲奶啡拉花只係其中一環,由磨粉、壓粉到打奶等工序,樣樣都易學難精,少少偏差經會影響整體味道(廢話)。我唔係啲好專業嘅Barista,亦都冇好特別嘅Tasting Skills,只係一個純粹鍾意飲啡嘅人,好多杯奶啡對我嚟講都係大同小異,但有幾間咖啡店嘅味道係直到依家我都念念不忘,今次就先推介一間港島名店 : Cupping Room Coffee Roasters - Sheung Wan



上環 Cupping Room Coffee Roasters

選擇咖啡豆好多時都受個人口味影響,因而較具主觀性,但打奶泡、Mixing同拉花就有得苦練。上環Cupping Room暫時飲過香港最水準穩定嘅奶啡,特別係處理奶泡同埋溫度控制上,每次都維持到穩定水準。另外咖啡溫度絕對唔會過熱或凍,大概感覺都有控制喺65-70度左右嘅口感溫度,另外奶泡極之幼滑,均勻Mixing,加上穩定拉花作點綴,流暢地編織出一杯滿足味蕾嘅優質奶啡。

Cupping Room 除咗有得獎級別嘅咖啡師同埋舒適整潔嘅環境外,佢哋盛載奶啡嘅陶瓷杯都值得留意,手感及觸感都相當舒服,外型亦相當有格調。另外都想提下佢哋會選擇直接向生產商或理念相符嘅綠色買家採購咖啡豆,以更清楚了解咖啡豆嘅來源同質素。




雖然暫時只係試過上環分店,但你如果路過上環或者其他分店,都不妨入去叫返杯cappuccino,latte/flat white。


地址:

299 Queens Road Central

Weekdays 8:00am-5:00pm

Weekends & Holidays 9:00am-6:00pm

1 次查看0 則留言

最新文章

查看全部