異鄉靈感|全球首間以碳排放定價嘅「氣候超市」- Felix

全球第一間「氣候超市」- 碳排放愈高,價錢愈貴

北歐瑞典品牌 - 菲力斯食品(Felix)喺首都斯德哥爾摩開咗全球第一間「氣候超市」(The Climate Store),為產品貼上「低碳足跡」標記,並以「碳排放」概念為商品定價,即購買商品時會知道是次購買嘅所涉及嘅碳排放,而商品碳排放愈高,價格相對愈高,反之亦然。

商品由原料生產、加工包裝、到出售嘅過程都會釋出溫室氣體,而我哋日常購物大多會從價格作出發點,但Felix 菲力斯食品希望為消費者提供多一個考量面向,思考購物背後嘅一連串影響,從而鼓勵大家喺日常購物中為環境出一分力,達至減低碳排放嘅目標。



香港可以嗎?

呢間北歐「氣候超市」為身處地球另一邊嘅我哋提供咗好多值得深思嘅地方,特別係社、經、環三方面嘅平衡。試想像如果香港嘅超級市場都以「碳排放」定價,會成功嗎?坦白講意念背後嘅出發點當然係好,但由可行性及延伸影響嚟講,的確係會有存疑嘅地方,例如社會配套、及整體環保意識皆有分別。

北歐國家嘅福利、平均收入同埋環保意識等都比唔少地方優秀,例如瑞典就係排碳稅最高嘅國家,人民要會國家產生嘅碳排放出一分力。所以「氣候超市」嘅成功未必可以應用喺其他地方。


消費涉及思考

製造食品所排出嘅溫室氣體量約佔全世界25%,絕對係一個不容忽視嘅數值。雖然「氣候超市」概念未必適用於全球,但背後想傳遞嘅訊息絕對係值得學習,消費從唔應該只係「用錢購買」咁簡單,而係應該涉及有意識嘅思考,例如每次購物對於地球嘅影響,咁樣先會為其增添意義。

雖然香港販售嘅商品冇碳排放標記,但如果作為消費者嘅你有能力作出一點改變,不妨喺消費前思考更多,對自己及環境作出一個有意義、有價值嘅消費行為。



 

下載slowe life App

發掘更多未知

小店、靈感、故事

 

#異鄉靈感 #slowe #sustainability #sustainable #可持續 #氣候超市 #低碳足跡 #climatestore #sustainableliving #sustainablestyle #climatechange #carbonfootprint #hongkong #hkig

4 次查看0 則留言