香港人你好！請放下急速的腳步，花幾分鐘的時間，用自己的方法漫步你的小社區。
2020年疫情肆虐全球，所有人都被逼困住喺自己嘅城市，想搵一個喘息的缺口，就發現youtube有好多日本散步影片，影片主人帶觀眾游走東京、大阪、京都、奈良的旅遊景點、食肆，正好為一群「異鄉人」望梅止渴。身心被圍困多月，除咗渴望出走外地，其實我哋又有冇諗過探索一下自己身處的城市空間呢？
香港城市研究學者黃宇軒與攝影師曾梓洋，就創辦咗「懷疑人生就去散步」YouTube channel，以第三身散步形式在城市空間遊走，亂逛亂行沒有目的散步的同時，將香港社區嘅城市景觀、生活模式記錄落嚟，既輕鬆又優美咁呈現比大家。香港城市高速發展，每日都有老店建築物被推到重來，呢D影片不但係城市的記錄，亦係每個香港人既思念和回憶。
「只一格 經典的偶遇已 不再 儘量框住目前大概」 《沙龍》陳奕迅 / 詞：黃偉文
屯門係我成長既社區，一個衣食住行非常成熟的社區，因為一條屯門公路，往往就被人笑係屯門牛。睇佢哋跑步嘅影片，不禁不讚歎攝影師及導演團隊嘅功力，瞬間將屯門提升至另一個境界，既熟悉又陌生，原來屯門都可以好日本！
曾經，返工返到懷疑人生，打開了「懷疑人生就去長沙灣散步」的影片，跟住佢哋嘅路線行，發現了原來長沙灣亦有寧靜的生活社區、李鄭屋古墓，仲有兩個相距不遠的公眾游泳池，我也不得不懷疑人生 -- 原來長沙灣的配套也不賴喔！（笑）
李鄭屋泳池休憩公園
龍悅道天橋
香港歷史博物館- 李鄭屋漢墓博物館 | 九龍深水埗東京街41號
面對低氣壓既社會，得閒開著「懷疑人生就去散步」按圖索驥，來一個文青本地遊，閒逛城市中的每一個角落，發掘溫情洋溢的小店，你就會發現香港其實很美。
「其實 人生並非虛耗 何來塵埃飛舞」《沙龍》陳奕迅 / 詞：黃偉文